| Alahady 18 mey 2008 | Laharana faha-3571 |
BP 7524 Antananarivo
- Email :
lakroa@moov.mg - Tel : (261)20 22 661 28
- 033 11 749 25
Ambatomena BP 1169 Fianarantsoa
- Email : lakroafi@moov.mg
- Tel : (261)20 75 514 41
Tsotra
6 Mois : 9.200ar
1 An : 18.400ar
Fiaramanidina
6 mois : 9.600ar
1 An :1 9.200ar
Iles Océan Indiens
6 Mois : 90.000ar
1 An : 180.000ar
Autres pays
6 Mois : 100.000ar
1 An : 200.000ar
Tafa sy dinika
Tsy tapaka ny fampianarana teny alemà
Niaraka nitafa tamin’Atoa Ambasadaoro, nandray ny iraky ny gazety Lakroan’i Madagasikara (Lkr) Rtoa Katrin Frühinsfeld (RKF). Efa telo taona izao no niasany teto Madagasikara. Ny lafiny kolontsaina no no nanomezany fanazavana misimisy kokoa.
Lkr : Efa 100 taona no nisy ny fampianarana ny teny alemà. Mandray anjara mavitrika mampahafantatra ny kolontsaina alemanina ny CGM, Cercle germano-malagasy. Toa Antananarivo ihany anefa no mahazo tombontsoa. Ny fahitanao izay ?
RKF : Eto Antananarivo ihany tokoa no misy ny CGM. Antananarivo sy ny manodidina ihany izany no mahazo tombony. Tsy azo hadino anefa fa araka ny nambarano teo dia efa 100 taona no nidiran’ny fampianarana ny teny alemà tany an-tsekoly. Tsy tapaka mihitsy izany na inona fitrangan’ny tantara teo amin’ny firenena roa tonta sy maneran-tany.
Lkr : Raha ho an’ny alemà dia tsy mba misy ireo teratany mampianatra ny teny (coopérant na karazana Peace corps).
RKF : Tsy manana izany izahay. Fa misy kosa ireo Malagasy efa nianatra tany Alemanina. Mikambana ao anatin’ny Agerma, Association des germanistes malgaches. Mifanohana izy ireo. Mavitrika mampianatra ny teny alemà any an-tsekoly, toy ny lisea.
Lkr : Mifandray akaiky amin’ny mpanao gazety ianao. Ahoana ny fahitanao ny asan-gazety eto ?
RKF : Miezaka ianareo mpanao gazety hanao ny asa tandrify anareo. Maro ny gazety. Mavitrika izany ny tontolo.
Raha ny fanohanana avy amin’ny Alemanina dia nisy ny ezaka ataon’ny fitondrana fanjakana. Manome vatsim-piofanana any Alemanina ho an’ny mpanao gazety vitsivitsy ny fanjakana alemanina. Mivondrona ao anatina fikambanana izao ireo efa nahazo izany vatsim-piofanana izany.
Ny Deutche Welle koa dia fantatra fa hisy ny firotsahana mavitrika eo amin’ny fanohanana ny tontolon’ny gazety. Havanana sy mora mahay tenim-pirenena ny Malagasy.Miantefa amin’ny Tvm ny fanampiana.
Momba ny fianarana ny teny alemà dia lazaiko fa havanana mora mahay tenim-pirenena ny Malagasy. Izahay alemà, ohatra, dia sahirana raha hianatra teny vahiny hafa. ¡